Vísað frá Færeyjum vegna fíkniefna

Manni á íslensku flutningaskipi í eigu Eimskips var vísað frá Færeyjum þar sem á honum fundust fíkniefni. Tollgæslan fann með hjálp fíkniefnahunds eitt og hálft gramm af hassi og 0,1 gramm af kókaíni í káetu fyrsta stýrimanns á flutningaskipinu. Hann var handtekinn af færeysku lögreglunni á laugardaginn. Færeyska útvarpið greindi frá því að maðurinn hafði verið sendur til heim til Íslands í gær. Honum verður meinað að heimsækja Færeyjar í eitt ár og var sektaður um 500 danskar krónur, um 5.650 íslenskar.