Ráðinn forstjóri Húsasmiðjunnar

Steinn Logi Björnsson, framkvæmdastjóri markaðs-og sölusviðs Flugleiða eða Icelandair, hefur verið ráðinn forstjóri Húsasmiðjunnar í stað Árna Haukssonar. Steinn Logi hefur störf 11. mars næstkomandi. Hann segist hlakka til að takast á við nýja starfið og segir fyrirtækið öflugt og eigendur þess metnaðarfulla. Hannes Smárason, stjórnarformaður Flugleiða, keypti nýlega 18 prósenta hlut í Húsasmiðjunni. Steinn Logi hefur starfað hjá Flugleiðum í tæp 20 ár.