Tilefnislausar árásir

Þrír ungir menn voru í gær dæmdir til fangelsisvistar fyrir Héraðsdómi Reykjavíkur fyrir að hafa tvívegis sömu nóttina framið tilefnislausar líkamsárásir í miðbæ Reykjavíkur. Þótti sannað að þeir hefðu gengið í skrokk á tveimur vegfarendum með hnefahöggum svo báðir hlutu talsverð meiðsl af og var litið til þess við ákvörðun refsinga að báðar árásirnar reyndust tilefnislausar samkvæmt vitnum í málinu. Refsingu allra var þó frestað til næstu þriggja ára svo lengi sem þeir halda skilorð en þeim var gert að greiða skaðabætur og málskostnað eða rúmlega 300 þúsund krónur.