Eiga enn meira í Smáralind

Með kaupum á 34 prósenta hlut í Fasteignafélagi Íslands, sem á meðal annars Smáralind, hafa Byggingarfélag Gylfa og Gunnars, Saxhóll og Baugur eignast 98 prósent af öllu hlutafé í félaginu. Seljendur að þessum 34 prósentum eru Norvik, Vesturgarður og Sveinn Valfells. Auk hundrað prósent eignarhlutar í verslunarmiðstöðinni Smáralind á Fasteignafélag Íslands stórar byggingarlóðir í nýjum miðbæ í Kópavogsdal þar sem félagið áformar að ráðast í mikla uppbyggingu.