Þrjú fíkniefnamál í Keflavík

Þrjú fíkniefnamál hafa komið upp í Keflavík síðastliðinn hálfan sólarhring. Laust eftir klukkan tíu í gærkvöld stöðvaði lögreglan bifreið á Njarðarbraut. Í honum fundust þrjú grömm af amfetamíni. Þrennt var í bílnum og viðurkenndu tveir að eiga efnið. Hálftíma síðar var önnur bifreið stöðvuð í bænum og þar fannst eitt gramm af amfetamíni og viðurkenndi ökumaður að eiga það. Klukkan tvö í nótt var svo þriðji bíllinn stöðvaður og fundust tvö grömm af amfetamíni á fólki í bílnum. Húsleit var gerð heima hjá öðrum þeirra en þar fundust engin eiturlyf. Öllum sem teknir voru í tengslum við þessi mál hefur verið sleppt.