Bowyer og Dyer með gegn Sporting

Stjóri Newcastle, Skotinn Graeme Souness, hefur nefnt slagsmálahundana tvo, Lee Bowyer og Kieron Dyer, í hópinn sinn í Uefa keppninni fyrir leikinn í 8-liða úrslitum gegn Sporting Lisbon. Patrick Kluivert og Celestine Babayaro eru báðir frá vegna hnémeiðsla og Jean-Alain Boumsong má ekki spila í Evrópukeppninni þar sem hann hefur þegar spilað í henni með Rangers. Titus Bramble er ennþá meiddur og ekki er talið líklegt að Nicky Butt nái að hrista af sér sín meiðsli. Það eru þó ekki bara neikvæðar fréttir úr herbúðum Newcastle því Robbie Elliott mun vera í hópnum í fyrsta skipti frá því annan í jólum.