Dísel(f)árið mikla 11. apríl 2005 00:01 Fyrir utan minni eyðslu hafa díselvélar tvo stóra kosti fram yfir bensínvélar: Þær toga betur og hafa ekki utanáliggjandi kveikjukerfi. Þær henta því betur í torfærur, kerrudrátt, akstur í ám og annað erfiði. Bensínvél vinnur þannig að blöndu af bensíni og lofti er sprautað sem úða inn í sprengirými. Þar er úðanum þjappað með bullu og kveikt í honum með rafneista sem kveikjan sendir til kertis sem nær inn í sprengirýmið. Við sprenginguna þrýstist bullan út aftur og snýr þannig sveifarásnum sem hún er tengd við. Með því að tengja nokkrar bullur á sama sveifarás og raða sprengingunum í rétta röð snýst vélin. Í díselvélum er það hinsvegar bara loft sem er þjappað. Við það hitnar loftið svo mikið að þegar olíunni er skotið inn í sprengirýmið kviknar í henni. Þjappan er svo mikil og olían svo orkurík að tog vélarinnar verður umtalsvert meira en í bensínvél. Í sumar mun þungaskattur á díselolíu verða felldur inn í lítraverðið. Ráðamenn ætla sér ekki að tefla díselolíunni fram sem ákjósanlegra eldsneyti, þó að hún mengi minna en bensínið, og reiknað er með að lítrinn af olíu verði jafnvel dýrari en bensínlítri. Margir leigubílstjórar, jeppamenn og aðrir sem keyra mikið eru hálf undrandi á þessari útfærslu á annars ágætri hugmynd. Tilgangurinn er að gera díselbíla ákjósanlegri kost fyrir almenning en kosti lítrinn nálægt 90-100 krónum verður betur heima setið en af stað farið. Þó að díselbílar eyði aðeins minna eru þeir oft dýrari í innkaupum og miðað við meðalakstur og þar yfir eykst eldsneytiskostnaður frá því sem er í núverandi kerfi. Í Kyoto hérna um árið var mikið rætt um losun mengandi lofttegunda út í andrúmsloftið. Íslendingar hafa löngum haldið því fram að þeir séu náttúruvænir fram í fingurgóma, nánast lífrænt ræktaðir margir hverjir, og því mætti halda að hófleg verðlagning á díselolíu væri framfaraskref í takt við bókunina góðu sem gerð var í Kyoto. Hvers vegna þetta tækifæri verður ekki nýtt er ekki gott að segja. Ef ónefndur ráðherra væri spurður myndi hann líklega svara: "Það er gott fólk...sem keyrir díselbíla." Bílar Mest lesið „Það er alveg hægt að vinna rifrildið en þá tapar sambandið“ Lífið Tjáir sig í fyrsta sinn um bróðurmissinn Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Ein lausn er að liggja hlið við hlið og fróa sér Lífið Mistök að eyða ekki meiri tíma með börnunum Lífið Kvaddi dramað og flutti fyrir ástina Lífið Best skipulagða geymsla landsins í glæsihúsi við Laugardalinn Lífið Púsluðu sig inn í undanúrslit þrátt fyrir hremmingar Lífið Fagnaði 35 árum í sólinni Lífið „Allir vonuðu að þetta yrði stelpa“ Lífið Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Fyrir utan minni eyðslu hafa díselvélar tvo stóra kosti fram yfir bensínvélar: Þær toga betur og hafa ekki utanáliggjandi kveikjukerfi. Þær henta því betur í torfærur, kerrudrátt, akstur í ám og annað erfiði. Bensínvél vinnur þannig að blöndu af bensíni og lofti er sprautað sem úða inn í sprengirými. Þar er úðanum þjappað með bullu og kveikt í honum með rafneista sem kveikjan sendir til kertis sem nær inn í sprengirýmið. Við sprenginguna þrýstist bullan út aftur og snýr þannig sveifarásnum sem hún er tengd við. Með því að tengja nokkrar bullur á sama sveifarás og raða sprengingunum í rétta röð snýst vélin. Í díselvélum er það hinsvegar bara loft sem er þjappað. Við það hitnar loftið svo mikið að þegar olíunni er skotið inn í sprengirýmið kviknar í henni. Þjappan er svo mikil og olían svo orkurík að tog vélarinnar verður umtalsvert meira en í bensínvél. Í sumar mun þungaskattur á díselolíu verða felldur inn í lítraverðið. Ráðamenn ætla sér ekki að tefla díselolíunni fram sem ákjósanlegra eldsneyti, þó að hún mengi minna en bensínið, og reiknað er með að lítrinn af olíu verði jafnvel dýrari en bensínlítri. Margir leigubílstjórar, jeppamenn og aðrir sem keyra mikið eru hálf undrandi á þessari útfærslu á annars ágætri hugmynd. Tilgangurinn er að gera díselbíla ákjósanlegri kost fyrir almenning en kosti lítrinn nálægt 90-100 krónum verður betur heima setið en af stað farið. Þó að díselbílar eyði aðeins minna eru þeir oft dýrari í innkaupum og miðað við meðalakstur og þar yfir eykst eldsneytiskostnaður frá því sem er í núverandi kerfi. Í Kyoto hérna um árið var mikið rætt um losun mengandi lofttegunda út í andrúmsloftið. Íslendingar hafa löngum haldið því fram að þeir séu náttúruvænir fram í fingurgóma, nánast lífrænt ræktaðir margir hverjir, og því mætti halda að hófleg verðlagning á díselolíu væri framfaraskref í takt við bókunina góðu sem gerð var í Kyoto. Hvers vegna þetta tækifæri verður ekki nýtt er ekki gott að segja. Ef ónefndur ráðherra væri spurður myndi hann líklega svara: "Það er gott fólk...sem keyrir díselbíla."
Bílar Mest lesið „Það er alveg hægt að vinna rifrildið en þá tapar sambandið“ Lífið Tjáir sig í fyrsta sinn um bróðurmissinn Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Ein lausn er að liggja hlið við hlið og fróa sér Lífið Mistök að eyða ekki meiri tíma með börnunum Lífið Kvaddi dramað og flutti fyrir ástina Lífið Best skipulagða geymsla landsins í glæsihúsi við Laugardalinn Lífið Púsluðu sig inn í undanúrslit þrátt fyrir hremmingar Lífið Fagnaði 35 árum í sólinni Lífið „Allir vonuðu að þetta yrði stelpa“ Lífið Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira