Fjórði maðurinn handtekinn

Lögreglan á Akureyri hefur handtekið fjórða manninn í tengslum við rannsókn á stóru fíkniefnamáli sem upp kom fyrir viku. Hann hefur verið úrskurðaður í gæsluvarðhald og eru nú þrír í varðhaldi vegna málsins en einum hefur verið sleppt. Fyrstu þrír mennirnir voru handteknir á Blönduósi á leið norður með mikið af fíkniefnum í fórum sínum og eru þeir grunaðir um að hafa ætlað að selja efnin norðan heiða. Mál þetta mun ekki tengjast skotárásinni á Vaðlaheiði um síðustu helgi.