Sport

Carragher í sjöunda himni

Jamie Carragher, varnarjaxlinn í Liverpool, var í sjöunda himni eftir sigur Liverpool á Chelsea í undanúrslitum Meistaradeildar Evrópu á Anfield í kvöld, en Carragher var af mörgum talinn besti maður vallarins. ,,Félagið þrífst á kvöldum eins og þessu, en þau hafa verið tekin frá okkur undanfarin ár," sagði Carragher. ,,Við viljum allir koma félaginu aftur í þær hæðir sem það á heima í þannig að við eigum möguleika á að skapa okkar eigin sögu." ...og Carragher hélt áfram: ,,Ég er ekki búinn að átta mig á þessu ennþá. Þetta var frábært kvöld með stuðningsmennina á bakvið okkur, en þegar allt kemur til alls var þetta bara undanúrslitin. Bikarinn er ekki enn unninn." Aðspurður hvort boltinn hafi verið inn þegar Luis Garcia skoraði sigurmarkið svaraði Carragher: ,,Ég held að við höfum átt inni heppni gegn Cheslea. Hvort sem boltinn var inni eða ekki, það var bara komið að okkur að vera heppnir."
Íslenski boltinn Meistaradeild Evrópu

Mest lesið


Fleiri fréttir

Sjá meira


×

Mest lesið