Tveggja ára dráttur á kæru

27 ára gömul kona var í Héraðsdómi Reykjavíkur í gær dæmd til tveggja mánaða fangelsisvistar fyrir að misnota debetreikning sumarið 2002 þannig að innistæðulaus skuldfærsla nam rúmri hálfri milljón. Dómurinn er skilorðsbundinn í tvö ár, meðal annars vegna dráttar sem varð á útgáfu ákæru, en hún var ekki gefin út fyrr en 12. apríl sl. Konan, sem var 25 ára þegar brotin voru framin, notaði kortið 178 sinnum án inneignar á tímabilinu frá 24. júní til 10. ágúst 2002.