Ekki varanlegir hnekkir

Íslenskur listaverkamarkaður hefur ekki borið varanlega hnekki vegna fölsunarmála undanfarin ár og traust almennings á núlifandi listamönnum hefur aukist. Þetta er meðal þess sem fram kemur í niðurstöðum nefndar um listaverkafalsanir sem skipuð var af menntamálaráðherra, Þorgerði Katrínu Gunnarsdóttur. Tillögur nefndarinnar verða í kjölfarið lagðar fyrir sérfræðinga í þremur ráðuneytum og segir Þorgerður að líklega verði svo lagðar til lagabreytingar í kjöfarið.