Armstrong segist saklaus

Hjólreiðakappinn Lance Armstrong hefur enn eina ferðina verið sakaður um að hafa neitt ólöglegra lyfja og nú fyrir stuttu hélt franska blaðið L´equipe því fram að hann hefði notað ólögleg lyf árið 1999. Armstrong brást reiður við þessum tíðindum, en hann sigraði sem kunnugt er í Tour de France í sjöunda sinn í röð í sumar. "Ég hef alltaf haldið því fram að ég hafi aldrei neitt ólöglegra lyfja og fólk virðist bara ekki geta trúað því, sérstaklega þessi evrópsku slúðurblöð og ég er orðinn hundleiður á þessum nornaveiðum," sagði Bandaríkjamaðurinn.