Plymouth rekur þjálfarann

Plymouth Argyle, félag Bjarna Guðjónssonar í ensku fyrstu deildinni, rak í gærkvöld knattspyrnustjóra sinn Bobby Williamson eftir að liðið hafði tapað fjórum leikjum í röð í deildinni og hefur strax ráðið Jocky Scott í hans stað tímabundið. Uppsögn Williamson kemur eftir aðeins sex leiki á tímabilinu, en liðið er nú í fjórða neðsta sæti deildarinnar eftir að hafa tapað fjórum leikjum í röð. Williamson tók við liðinu í apríl í fyrra og stýrði því í sautjánda sætið á leiktíðinni. Þegar er farið að leita að eftirmanni Williamson og hafa nöfn John Gregory, Peter Reid og Tony Pulis þegar verið nefnd til sögunnar.