Henry stefnir á markametið

Franski framherjinn Thierry Henry getur um helgina jafnað markamet Ian Wright hjá Arsenal, sem er 185 mörk en segist lítið hugsa um metið og vill bara skora eins mörg mörk og hann mögulega getur til að vinna leiki. "Ian Wright var og er algjör goðsögn hér á Highbury og það yrði sannarlega heiður að slá met hans, en ég ætla ekki að ræða þessa hluti áður en þeir gerast, því fótboltinn er óútreiknanlegur og maður veit aldrei hvað getur gerst á morgun," sagði Henry, sem skoraði sigurmark Frakka gegn Írum í vikunni og tvö mörk gegn Fulham í síðasta deildarleik,