Hafi misst stjórn á sér augnablik

Aðalmeðferð hófst í morgun í máli Scotts Ramseys sem ákærður er fyrir stórfellda líkamsárás. Ramsey er gefið að sök að hafa aðfaranótt 13. nóvember í fyrra á skemmtistaðnum Traffic í Keflavík, slegið danskan hermann í hálsinn, með þeim afleiðingum að hann lést. Ramsey bar fyrir dómi að hann hafi misst stjórn á skapi sínu eitt augnablik þegar hann sló hermanninn. Hann segist hafa talið danska hermanninn vera að áreita unnustu sína á tveimur skemmtistöðum í Keflavík, en sagðist jafnframt ekki muna eftir að hafa slegið hann. Dómur í málinu verður kveðinn upp þann 5. október næstkomandi.