Samfylking missir mann

"Þannig var að þegar Gunnar Örlygsson flutti sig til Sjálfstæðisflokksins þá stóðu fjórði maður Samfylkingar og fimmti maður Sjálfstæðisflokks jafnir á hlutföllum innan fjárlaganefndar. Það kom til hlutkestis sem ég tapaði," segir Margrét Frímannsdóttir, þingmaður Samfylkingarinnar. Hlutkestið var á meðal síðustu embættisverka Einars K. Guðfinnssonar sem formanns þingflokks sjálfstæðismanna. "Hann átti alveg skilið að vinna í þetta skiptið," segir Margrét.