40 starfsmönnum Medcare sagt upp

Stefnt er að því að færa starfsemi Medcare utan og verður hátt í 40 starfsmönnum hér á landi sagt upp. Búið er að tilkynna um yfirvofandi uppsagnir á starfsmannafundum.

Þetta kom fram hjá Boga Pálssyni, stjórnarformanni Medcare, í Ríkissjónvarpinu í gær. Höfuðstöðvar Flögu Group hf. verða áfram á Íslandi en nýjar höfuðstöðvar verða opnaðar fyrir Bandaríkjamarkað og starfsemin í Evrópu verður styrkt. Lykilstöður verða fluttar til Bandaríkjanna og Evrópu. Skipulagsbreytingar Medcare eiga að hafa komið að fullu til framkvæmda um mitt næsta ár og er búist við að kostnaður skili sér á einu ári.