Stakk mann sinn á hol

Hin 25 ára gamla Tang Xiaowan frá Sjanghæ í Kína hefur æft skylmingar frá blautu barnsbeini. En nýverið kom vopnið henni í bobba þegar hungrið tók að sverfa að henni.

Tang hótaði eiginmanni sínum Li Weidong reglulega með sverðinu sínu til að fá hann til að gera eins og hún vildi. En þegar hún reyndi nýlega að fá Li til að elda fyrir sig, neitaði hann því staðfastlega, þar sem hann hafði átt erfiðan dag. Hún beindi að honum sverðinu, en ekki vildi betur en svo til að hún hrasaði og stakk hann á hol. Li dó skömmu síðar af sárum sínum.