Íslensk stjórnvöld munu leigja ýmsan búnað í eigu Bandaríkjahers sem þykir gegna mikilvægu hlutverki varðandi rekstur flugvallarins í Keflavík. Er þar helst um að ræða snjóruðningstæki, tækjabúnað slökkviliðsins á Keflavíkurflugvelli og ýmiss konar fjarskiptabúnað. Þetta kom fram í Víkurfréttum.
Samkvæmt frétt blaðsins munu íslensk stjórnvöld leigja búnaðinn þangað til Íslendingar hafa komið sér upp slíkum búnaði sjálfir. Talið er að það muni taka um eitt ár.
