Innlent

Dauðaslys á fáförnum vegi

Karlmaður á sextugsaldri beið bana eftir að hafa velt bíl sínum á vegslóða af Landvegi í Hrauneyjum nálægt Trippavaði í fyrrinótt.

Að sögn varðstjóra lögreglunnar á Hvolsvelli er talið að slysið hafi átt sér stað síðla nætur. Vegurinn þar sem bíllinn valt er mjög fáfarinn og fékk lögregla ekki tilkynningu um slysið fyrr en klukkan 15 síðdegis í gær. Maðurinn var látinn þegar að var komið.

Ekki er unnt að greina frá nafni hins látna að svo stöddu.

Innlent

Mest lesið


Fleiri fréttir

Sjá meira


×

Mest lesið