Dularfull beinbrot ungbarna

Undanfarið hefur hollenska dagblaðið De Telegraaf birt fréttir af beinbrotum ungbarna sem vakið hafa töluverðan ugg þar í landi.

Samkvæmt De Telegraaf hafa engar haldbærar skýringar fengist við því hvers vegna lærleggur tveggja daga gamallar stúlku reyndist brotinn á sjúkrahúsi í Tilburg. Tveim vikum áður fundust sambærileg beinbrot hjá ungbörnum á spítala Amsterdam og í síðustu viku kom upp svipað atvik á öðrum spítala í sömu borg.

Yfirvöld sjúkrahúsa í Hollandi hafa nú gripið til aðgerða svo að komið verði í veg fyrir að fleiri sambærileg atvik eigi sér stað.