Ekki liggur enn ljóst fyrir hver staðgengill dr.Guðfinnu Bjarnadóttur, rektors við Háskólann í Reykjavík, verður. Eins og fram hefur komið fer Guðfinna í launalaust leyfi vegna framboðs fyrir alþingiskosningar næsta vor.
Bjarni Ármannsson, bankastjóri og formaður Háskólaráðs, vildi ekkert segja um málið að svo stöddu. Samkvæmt heimildum Fréttablaðsins verður nýr rektor ráðinn í lok mánaðarins. Guðfinna hefur gegnt starfi rektors frá því Háskólinn í Reykjavík var stofnaður árið 1998.
