Yfir 500 manns sóttu um 91 lóð

Yfir fimm hundruð umsóknir bárust um lóð á Hraunsholti eystra og í Garðahrauni þegar úthlutun á níutíu og einni lóð á þessum tveimur svæðum var auglýst nýlega. Umsóknirnar skiptast nokkuð jafnt á milli svæðanna eftir því sem kemur fram á vef Garðabæjar.

Listi yfir nöfn umsækjenda verður lagður fyrir fund bæjarráðs á þriðjudaginn í næstu viku. Óvíst er hvenær tillaga um úthlutun verður lögð fram en gera má ráð fyrir að það verði í desember eða byrjun janúar. Stefnt er að því að lóðirnar verði byggingarhæfar haustið 2007.