DiMarco hirti hæsta verðlaunaféð

Hinn bandaríski Chris DiMarco hreppti í dag hæsta verðlaunaféð á opna evrópska meistaramótinu í golfi þegar hann fór með sigur af hólmi í Abu Dhabi í dag.

Ávísunin sem Bandaríkjamaðurinn hreppti í dag nemur 332,900 dollurum en það jafngildir rhátt í 21 milljón íslenskra króna.

DiMarco lauk keppni á samtals 20 höggum undir pari eða 268 höggum en annar varð Svíinn Henrik Stenson á 19 höggum undir pari. Stenson setti vallarmet á þriðja hring í gær þegar hann lék holurnar átján á 10 höggum undir pari. Sergio Garcia frá Spáni varð þriðji á 18 höggum undir pari.

Bretinn Colin Montgomerie lauk keppni í 6. sæti á 275 höggum og Suður-Afríkumaðurinn Vijay Singh sem er í 2. sæti á heimslistanum hafnaði í 8. sæti á 277 höggum.