Vísir.is minnir alla á beina útsendingu Sýnar frá stórleik Njarðvík og KR í undanúrslitum Iceland-Express deildar karla í körfubolta. Leikurinn hefst klukkan 15.00 en útsending Sýnar skömmu áður. Keflavík vann í gær góðan sigur á Skallagrímsmönnum í hinni undanúrslitaviðureigninni.
Það mun mikið mæða á KR-ingum að stöðva Friðrik Stefánsson sem var valinn besti leikmaður deildarinnar af þjálfurum liðanna í könnun sem Fréttablaðið stóð fyrir. Auk þess eru Jeb Ivey og Brenton Birmingham skæðir leikmenn en KR eru aftur á móti ekki með slæmt lið í höndunum heldur.
Melvin Scott hefur komið sterkur inn en lykilmaður liðsins er þó líklega Fannar Ólafsson og verður mjög forvitnilegt að fylgjast með einvígi hans við Friðrik. Báðir eru þeir stórir og sterkir rumar og ljóst er að spennandi leikur er að fara í hönd.
Njarðvík-KR, í beinni á Sýn klukkan 15.00 í dag!
