Aukin samþjöppun í norsku laxeldi

Norska laxeldisfyrirtækið Pan Fish hefur keypt tæplega 18 prósenta hlut í Fjord Seafood. Í Morgunkorni Glitnis banka segir að samþjöppun haldi áfram í norsku laxeldi en Pan Fish á nú samtals 57 prósenta hlut í Fjord og undirbýr yfirtökutilboð.

Glitnir segir stöðu Pan Fish nú orðna mjög sterka en félagið keypti Marine Harvest í síðasta mánuði. Norski afhafnamaðurinn John Fredriksen á tæpan helmingshlut í Pan Fish er því nú áhrifamesti maður í norsku laxeldi en saman mynda Pan Fish, Fjord Seafood og Marine Harvest stærstu laxeldissamstæðu í heimi.