Shevchenko er ekki til sölu

Adriano Galliani, varaforseti AC Milan, segir að þangað til félaginu berst formleg beiðni frá frá leikmanninum sjálfum um að fá að vera settur á sölulista, sé Andriy Shevchenko hreinlega ekki til sölu.

"Shevchenko á þrjú ár eftir af samningi sínum við Milan og við erum að tala um mesta markaskorara í sögu félagsins síðustu hálfa öld. Hann er stórkostlegur leikmaður og þangað til hann fer formlega fram á að verða seldur, kemur bara ekki til greina að selja hann," sagði Galliani.