Aukinn viðbúnaður vegna myrkvunar

Lögreglan í Reykjavík verður með aukinn viðbúnað annað kvöld þegar Reykjavíkurborg verður myrkvuð frá klukkan 22:00-22:30. Þá verður slökkt á allri götulýsingu en myrkvunin hefur þó ekki áhrif á öryggiskerfi og umferðarljós verða áfram virk. Lögreglan hvetur fólk til að vera sem minnst á ferðinni á þessum hálftíma en allur bílafloti lögreglunnar verður nýttur annað kvöld.

Bein útsending verður frá myrkvuninni á Vísi.is en hún hefst fyrir klukkan 22:00 og verðu hægt að fylgjast með þegar ljósin verða slökkt og þar til þau verða kveikt aftur hálftíma síðar.