Tyson enn og aftur inn í hringinn

Hnefaleikakappinn Mike Tyson mun berjast við fyrrum æfingafélaga sinn Corey "T-Rex" Sanders þann 20. október næstkomandi, en hann fyrirhugar að berjast nokkra stutta bardaga til að vinna sig út úr skuldum. Tyson hafði áður lýst því yfir að hann hataði að berjast, en þessi fertugi fyrrum meistari segir þetta uppátæki engöngu lið í því að safna peningum upp í skuldir og segir það skárri kost en að veltast um í þunglyndi.

Tyson er enn stórskuldugur eftir peningasukk fortíðarinnar og hefur undanfarið verið til sýnis við æfingar sínar í Las Vegas í Bandaríkjunum. Tyson segist sjálfur vera í ömurlegu formi og segist ekki geta barist nema í mesta lagi 3-4 lotur, en bardagi hans þann 20. október nk verður einmitt aðeins fjórar lotur og vonast Tyson til að geta safnað fé til að borga fleiri skuldir með uppátækinu.