Mercedes Benz sigraði í sparaksturskeppni

Mercedes Benz 180 CDI sigraði í sparaksturkeppni sem haldin var í gær. Þessi fólksbíll frá Benz eyddi rétt rúmum þremur lítrum á hundraði, sem þykir einkar góður árangur. Um 50 bílar tóku þátt í keppninni í sparakstri sem Félag íslenskra bifreiðareigenda og Atlantsolía héldu í gær.

Keppnin hófst á Bíldshöfða og keyrðu ökumenn hundrað og fjörtíu kílómetra leið. Sigurvegarinn var sá sem ók á fæstum lítrunum. Benzinn sigraði meðal annars mótorhjól sem tók þátt en sá sem ók á flestum lítrunum var Man vörubifreið, hún ók á fimmtíu og tveimur lítrum.