Hross tóku á rás eftir Suðurlandsvegi

Minnstu munaði að slys hlytust af þegar þrjú hross sluppu út úr girðingu og tóku á rás eftir Suðurlandsvegi undir Ingólfsfjalli í gærkvöldi.

Þar var nokkur umferð og óku flestir með lágu ljósin þannig að ökumenn sáu ekki langt fram fyrir sig. Lögregla skarst í leikinn og kom hrossunum af veginum. Klukkustund áður hafði bíl verið ekið á hross á Eyrarbakkavegi með þeim afleiðingum að hrossið drapst og bíllinn stórskemmdist en ökumaðurinn, sem var einn í bílnum, slapp ómeiddur.