Guðfríður Lilja er með BA-próf í sagnfræði frá Harvard-háskóla í Bandaríkjunum og mastersgráðu í hugmyndasögu og heimspeki frá Cambridge-háskóla í Bretlandi. Hún hefur starfað sem alþjóðaritari á alþjóðasviði Alþingis frá árinu 2001 og gegnt starfi framkvæmdastjóra þingmannanefndar um norðurskautsmál. Guðfríður Lilja er jafnframt fyrsta konan sem gegnt hefur embætti forseta Skáksambands Íslands og Skáksambands Norðurlanda.
