Íranar tilbúnir að ræða við Ítali um Miðausturlönd

Talsmaður forseta Ítalíu hefur skýrt frá því að ráðherranum hafi borist bréf frá forseta Írans, þar sem hann segist vera fús til viðræðna við Ítali um ástandið í Miðausturlöndum.

Romano Prodi og Mahmoud Ahmadinejad áttu með sér fund hjá Sameinuðu þjóðunum, í september, og talsmaður Prodis segir að bréfið hafi verið skrifað í framhaldi af því.

Nokkrar Evrópuþjóðir, með Breta í broddi fylkingar, vilja fá arabaþjóðir til liðs við sig við að leysa þann vanda sem við er að etja í Írak og Ísrael.

Meðal landa sem nefnd hafa verið eru Sýrland og Íran. Bandaríkjamenn hafa tekið þeirri hugmynd fálega.