Nýtur ekki stuðnings

Breska fjárfestingafélagið Candover birti í gær skilyrði fyrir væntanlegu yfirtökutilboði í hollensku samsteypuna Stork. Tilboðið hljóðar upp á 1,5 milljarða evra, jafnvirði 125,5 milljarða íslenskra króna en felur í sér að það sé bindandi berist ekki fimm prósentustiga hærri tilboð í samstæðuna. Þá er skilyrði um að 80 prósent hluthafa verði að taka boðinu. Samþykki 95 prósent hluthafa þarf til að afskrá félagið.

Tilboð Candover hljóðar upp á 47 evrur á hlut en gengið fór í 46,80 evrur og þykir lítill stuðningur fyrir boðinu í hluthafahópi Stork. Líklegra þykir því að nýtt og hærra tilboð líti dagsins ljós.