Sjálfsmorðsárás á lögreglustöð í Kirkuk

Sjálfsmorðsárásarmaður ók vörubíl hlöðnum sprengiefni inn í lögreglustöð í borginni Kirkuk í Írak í morgun og segja sjónarvottar að töluvert mannfall hafi orðið.

Lögregla segir nálægar byggingar einnig hafa skemmst í spreningunni en vill ekki tilgreina hversu margir hafi látist eða særst í árásinni. Ekki liggur heldur fyrir hver stóð á bak við árásina.

Kirkuk er í norðurhluta Íraks og þar er að finna einar gjöfulustu olíulindir Íraka. Bæði Kúdar, Tyrkir og sjíar og súnnítar búa í borginni.