Tveir 15 og 16 ára unglingar hafa verið sakfelldir fyrir þjófnað í Héraðsdómi Suðurlands en dómurinn hefur ákveðið að fresta ákvörðun refsingar yfir þeim þannig að hún falli niður einu ári frá dómsuppsögu haldi þeir skilorð.
Drengirnir voru ákærðir fyrir að hafa í sameiningu brotist inn í gamla gufubaðið á Laugarvatni og skúr þar hjá og stolið meðal annars verkfærum, sælgæti, peningum og íþróttatösku. Piltarnir játuðu brotin fyrir lögreglu og skiluðu öllu þýfinu nema sælgætinu. Þar sem þeir höfðu ekki áður komist í kast við lögin þótti við hæfi að fresta ákvörðun um refsingu ef þeir halda skilorð í ár.
Innlent
