Framboðslistum Baráttusamtaka eldri borgara og öryrkja í Reykjavíkurkjördæmi suður og Suðurkjördæmi hefur verið hafnað. Listarnir bárust of seint fyrir komandi alþingiskosningar og var þess vegna hafnað af yfirkjörstjórnum.
Baráttusamtökin skiluðu lista sínum í Reykjavíkurkjördæmi norður einnig of seint. Yfirkjörstjórn þar er enn að funda um málið. Baráttusamtökin náðu aðeins að skila inn framboðslista sínum í Norðausturkjördæmi áður en frestur rann út í gær. Sá listi var samþykktur af yfirkjörstjórn í dag.
