Inter er komið með sex stiga forystu á toppi ítölsku úrvalsdeildarinnar í knattspyrnu eftir sigur á Tórínó í kvöld, 1-0.
Julio Ricardo Cruz skoraði eina mark leiksins á 30. mínútu en alls fengu átta leikmenn að líta gula spjaldið í leiknum, þar af sex hjá Tórínó.
Roma er í öðru sæti deildarinnar með 72 stig en liðið gerði jafntefli við Livorno um helgina. Juventus er svo í þriðja sæti með 67 stig, átta stigum meira en Fiorentina sem er í fjórða sæti.
Inter með sex stiga forystu
