Sauðdrukkinn hástökkvari - myndband

Rússinn Ivan Ukhov er meðal bestu hástökkvara í heimi. Hann vann þó engin afrek á frjálsíþróttamóti í Sviss í gær. Hann var svo drukkinn að hann var heppinn að hitta yfirleitt á milli stanganna.

Sænski hástökkvarinn Stefan Holm segir að það hafi verið sorglegt að horfa upp á þetta. Ukhov hafi strax í upphafi verið svo drukkinn að hann hafi átt erfitt með að klæða sig í stuttbuxurnar fyrir keppnina.

Hann hafi gert þrjár tilraunir til að stökkva en þær verið hver annarri ömurlegri. Eftir síðustu tilraunina hafi hann svo bara legið á dýnunni þar til aðstoðarmenn leiddu hann á brott.

Smella hér