Framkvæmdastjóri Arababandalagsins segist vera öskureiður út í sundurlyndar palestinskar stjórnmálahreyfingar. Leiðtogar arabaríkja séu að ræða refsiaðgerðir gegn þeim.
Egyptar eru aðal málamiðlari milli palestinsku hópanna og hefur verið i viðræðum við þá. Það er undirbúningur undir samskonar viðræður við Fatah og Hamas hreyfingarnar, stærstu og öflugustu stjórnmálahreyfingar palestínumanna.
Amr Moussa, framkvæmdastjóri Arababandalagsins sagði á fundi með fréttamönnum í dag að hann væri mjög reiður við palestinsku hreyfingarnar fyrir þrjósku þeirra.
Þær væru til dæmis að rífast um ráðherraembætti í landi sem ekki væri til. „Við blekktum sjálfa okkur og töluðum um Palestinska ríkið. Það er ekki ríki fyrr en það hefur fengið full réttindi og viðurkenningu"
