Lánshæfi Írlands lækkar

Matsfyrirtækið Standard & Poors, hefur lækkað lánshæfismat Írlands í annað sinn á þessu ári.

Lánshæfismatið var lækkað um eitt stig, eða úr AA+ í AA með neikvæðum horfum sem gefur til kynna að horfur séu á frekari lækkun lánshæfismatsins.

Þar með er Írland með sama lánshæfismat og Japan, Slóvenía og Sameinuðu arabísku furstadæmin.

Írland býr við margþætt vandamál og við teljum landið enn veikasta efnahagslega hlekkinn í Evrópusambandinu en berum það ekki að jöfnu við stöðuna á Íslandi, hefur Bloomberg fréttaveitan eftir sérfræðingi hjá Royal Bank of Scotland.