Gullúr selt fyrir rúmlega 600 milljónir á uppboði

Úrið sem hér um ræðir er ekki venjulegt. Það er af gerðinni Calibre 89 frá Patek Phillipe og vegur 1,1 kíló. Úrasmíðin Patek Phillipe smíðaði fjögur úr af þessari tegund árið 1989 til að halda upp á 150 ára afmæli sitt.

Í frétt um málið á börsen.dk segir að á þeim tíma sem úrin fjögur voru smíðuð hafi tekið fimm ár að skipuleggja smíðina vegna ýmissa tækniatriða og síðan tók smíðin sjálf fjögur ár.

Úrin fjögur hafa öll sinn eigin „persónuleika". Eitt er smíðað úr hvítagulli, eitt úr platínu, eitt úr rauðagulli og eitt úr 24 karata gulli. Það var hið síðastanefnda sem selt var á uppboðinu hjá Antiquorums.

Forstjóri Antiquorums segir að upphæðin sem fékkst fyrir þetta Calibre 89 sýni hve markaðurinn fyrir flólkin og mikilvæg úr er sterkur í heiminum í dag.