Friðrik: Alltaf vonbrigði að tapa leik

„Slæm byrjun okkar í leiknum var lykillinn að sigri Keflavíkur," sagði Friðrik Ragnarsson, þjálfari Grindavíkur eftir stórleikinn í Iceland Express deildinni í kvöld.

„Þeir byrjuðu á að skjóta okkur í kaf en mínum mönnum til hróss spiluðu þeir flottan körfubolta en eins og þetta þróaðist hefði þetta getað dottið hvoru megin sem var í lokin."

„Við vorum að spila á móti mjög vel mönnuðu liði sem á sterkan heimavöll. Það eru alltaf vonbrigði að tapa leik, það eru engin ný sannindi. En maður verður bara að reyna að laga það sem fór úrskeiðis," sagði Friðrik.