Viðskipti erlent

Kvennalið í fótbolta selur stefnumót með leikmönnum

Norska kvennaliðið í fótbolta, Trondheim Örn, rambar nú á barmi gjaldþrots og hefur gripið til óvenjulegrar fjáröflunnar. Hver sem er getur nú boðið í nýársstefnumót með leikmönnum liðsins sem eru flestar síðhærðar ljóskur að sögn börsen.dk.

Í frétt um málið á börsen.dk segir að með þessum stefnumótum sé ætlunin að reyna að afla um 13 milljóna kr. fyrir áramótin og bjarga þannig liðinu frá gjaldþroti. Minnsta boð í einstakar stúlkur er um 50.000 kr.

Enn sem komið er hafa undirtektir karlmanna við þessu tilboði verið dræmar. Í gærdag var aðeins eitt tilboð komið í stúlkurnar.

„Við erum með það á hreinu að við fáum ekki háar upphæðir út úr þessu. En eitthvað þurfum við að gera og neyðin kennir naktri konu að spinna. Við erum í slíku núna," segir formaður Trondheim Örn í samtali við sænskt blað.

Myndin hér með er af framherjanum Silje Bergby en lágmarksboð í stefnumót með henni eru rúmar 60.000 kr.





Mest lesið


Fleiri fréttir

Sjá meira


×

Mest lesið