Fyrrum Kaupþingsstjóri ráðinn bankastjóri Bretadrottningar

Michael Morley fyrrum yfirmaður eignastýringar hjá Singer & Friedlander, banka Kaupþings í Bretlandi, hefur verið ráðinn sem forstjóri Coutts, banka Elísabetar Bretadrottningar.

Coutts er dótturbanki Royal Bank of Scotland. Um er að ræða einkabanka sem sérhæfir sig í að sjá um fjármála hinna frægu og ríku. Fyrir utan Bretadrottningu eru íþróttamenn, tónlistarstjörnur og leikarar meðal 70.000 viðskiptavina bankans.

Morley hefur unnið fyrir Barclays Wealth og Barclays Switzerland auk Singer & Friedlander.

Og hann lendir strax í erfiðum málum því skattstjóri Bretlands hefur skipað nær 300 viðskiptavinum Coutts að endurgreiða skattinum 400 milljónir punda. Coutts er sakaður um að hafa boðið viðskiptavinum sínum upp á skattafrádrátt sem ekki stenst bresk lög.

Samkvæmt umfjöllun í Guardian snýst málið um sjóðinn Castle Trust, sjóð sem rekinn er af evrópska fjárfestingarbankanum HMRC. Coutts notaði sjóðinn til að sýna tap hjá viðskiptavinum sínum sem síðan var notað til skattafrádráttar hjá viðkomandi. Coutts fékk greiðslu frá sjóðnum fyrir hvern þann viðskiptavin sem bankinn vísaði til sjóðsins.

Dæmi þetta hefur verið í gangi síðan 1997 og var notast við röð af hlutabréfaviðskiptum sem fóru í gegnum Þýskaland, Pakistan og Guernsey. Viðskiptum sem ollu því að sjóðurinn gat sýnt fram á „tap" upp á einn milljarð punda.

Samkvæmt Guardian ætla fyrrgreindir 300 viðskiptavinur Coutts í mál við bankann sökum þessa.