Viðskipti erlent

ECB uppfærir tölur sínar um hagvöxt á evrusvæðinu

Evrópski seðlabankinn (ECB) með Jean-Claude Trichet seðlabankastjóra í broddi fylkinga hefur uppfært tölur sínar um hagvöxt á evrusvæðinu. Nú býst ECB við því að hagvöxturinn muni nema 0,1-1,5% á næsta ári en fyrri spá bankans gerði ráð fyrir að hagvöxturinn yrði neikvæður um 0,5-0,9%.

Trichet segir þó að þessi spá sé háð nokkurri óvissu og því sé núverandi vaxtastig ECB við hæfi. Þessi orð lét Trichet falla á fundi nú eftir hádegið þar sem kynnt var að bankinn myndi halda stýrivöxtum sínum óbreyttum í 1%.

Fram kom í máli Trichet að stjórn bankans sæi þegar nokkur batamerki í efnahag evrusvæðisins á seinni helming þessa árs og að verðbólguþrýstingur væri lágur til millilangs tíma litið.





Mest lesið


Fleiri fréttir

Sjá meira


×

Mest lesið