Catherine Zeta Jones er ríkasti leikari á Bretlandi

Listi yfir ríkustu leikara Bretlands er birtur á vef breska blaðsins Times. Það þarf ekki að koma á óvart að í 10 efstu sætunum er fólk sem er íslenskum kvikmyndahúsagestum og sjónvarpsáhorfendum að góðu kunnugt. Í fyrsta sæti er Catherine Zeta Jones.





1. Catherine Zeta Jones (eignir 170 milljón pund, 36 milljarðar ISK).

Zeta Jones á meiri auðævi en nokkur annar breskur leikari, en það er að mörgu leyti vegna auðæva Michaels Douglas, eiginmanns hennar. Hún hefur þó sjálft þénað vel á myndum á borð við Chicago og Ocean's Twelve.



2. Sir Sean Connery (eignir 80 milljón pund, 17 milljarðar ISK).

Connery hafnaði hlutverki Gandálfs í Hringadróttinssögu, sem Times segir að hefði fært honum 400 milljón dollara. Þrátt fyrir það er Connery í öðru sæti, en hann er langþekktastur fyrir hlutverk sitt sem Bond.



3. Sir Antony Hopkins (eignir 65 milljón pund, 14 milljarðar ISK).

Hopkins er annar ríkasti karlkyns leikarinn á Bretlandi. Hann er frægastur fyrir að leika Hannibal Lecter.



4. Sir Roger Moore (eignir 50 milljón pund, 11 milljarðar ISK).

Roger Moore er annar James Bond leikarinn á listanum, en ein frægasta Bond mynd hans er A View to Kill. Hluti auðæva Moores eru líka vegna eiginkonu hans Kristina Tholstrup sem hefur þénað vel.

5. Helena Bonham Carter (eignir 50 milljón pund, 11 milljarðar ISK).

Bonham Carter er þekktust fyrir hlutverk sitt í myndunum Sweeney Todd og Charlie and the Chocolate Factory. Hún er í sambúð með leikstjóranum Tim Burton sem á auðvitað hlutdeild í auðævum þeirra.



6. Sir Michael Caine (eignir 45 milljón pund, 9 milljarðar ISK).

Hinn 76 ára gamli Caine naut mikilla vinsælda á sjöunda til níunda áratugs síðustu aldar. Á meðal vinsælla kvikmynda hans eru The Italian Job, Get Carter og auðvitað Batman myndirnar.



7. Daniel Radcliffe (eignir 30 milljón pund, 6 milljarðar ISK).

Sjálfur Harry Potter er yngsti maðurinn á topp 10 listanum. Hann fær greidd 8 milljón pund fyrir fimmtu Potter myndina. Líklegt þykir að Radcliffe verði enn frægari og ríkari eftir því sem hann eldist.



8. Keira Knightley (eignir 18 milljón pund, 4 milljarðar ISK).

Knightley er frægust fyrir hlutverk sín úr myndunum Pirates of the Caribbean og Atonement. Hún er líka vinsæl fyrirsæta og hefur verið eitt af andlitum Chanel.



9. Emma Watson (eignir 12 milljón pund, 2,5 milljarðar ISK).

Watson er frægust fyrir hlutverk sitt sem Hermione Granger í Harry Potter myndunum. Hún er 19 ára gömul.



10. Rupert Grint (eignir 9 milljón pund, 1,9 milljarðar ISK).

Grint fer með hlutverk Rons Weasleys í Harry Potter myndunum. Hann er þriðja Potter stjarnan á topp 10 listanum yfir ríkustu leikara í Bretlandi.