Elsta einkenni New York borgar selt hótelkóngi

Ítalski hótelkóngurinn Valter Mainetti hefur fest kaup á Flatiron byggingunni í New York en þessi hníflaga bygging er elsta einkenni New York borgar og jafnframt fyrsti skýjakljúfurinn sem byggður var í borginni árið 1902.

Margir New York búar eru miður sín út af þessum kaupum og telja að Mainetti mun eyðileggja hinar fögur úthliðar byggingarinnar með auglýsingum og glysi. Mainetti segist ætla að breyta byggingunni í lúxushótel. Hann getur þó ekki breytt byggingunni sjálfri að neinu leyti enda er hún alfriðuð.

Það var félag Mainetti, Sorgente Group, sem keypti ráðandi hlut í Flatiron en kaupverðið var ekki gefið upp. Fasteignamatið nemur hinsvegar 190 milljónum dollara, eða rúmir 23 milljörðum kr.,að því er segir í umfjöllun börsen.dk um málið.

Þessi frétt kemur aðeins nokkrum mánuðum eftir að greint var frá því að tvær aðrar þekktar byggingar í New York hefðu verið selda Aröbum. Þetta eru GM byggingin og Chrysler byggingin. New York búar spyrja sig nú hvort allt Stóra epplið (Big Apple) verði selt útlendingum.

Sjálfur segir Mainetti í samtali við Daily Mail að þeir muni passa vel upp á það listaverk sem Flatiron byggingin er. Því miður fyrir hann þarf hann að bíða í allt að áratug eftir að núverandi leigjendur hússins eru tilbúnir að yfirgefa það.