Haukar mæta KR í úrslitunum

Haukar tryggðu sér í kvöld sæti í úrslitum úrslitakeppni Iceland Express deildar kvenna með sigri á Hamar í Hveragerði í kvöld, 69-65.

Hamar var með yfirhöndinda lengst af í leiknum en staðan í hálfleik var 42-28, Hvergerðingum í vil. Haukar náðu svo að saxa á forskotið jafnt og þétt og komust svo yfir í stöðunni 64-62 þegar tæpar þrjár mínútur voru til leiksloka.

Kristrún Sigurjónsdóttir tryggði svo Haukum endanlega sigurinn með því að setja niður víti þegar sex sekúndur voru til leiksloka.

Íris Ásgeirsdóttir skoraði sautján stig fyrir Hamar og LaKiste Barkus var með fimmtán. Julia Demirer bætti svo við tólf stigum.

Hjá Haukum var Kristrún stigahæst með 24 stig. Monika Knight var með þrettán stig og Telma Fjalarsdóttir tólf.