Líkamsræktarstöðvar JJB Sports seldar David Whelan

Gengið hefur verið frá sölu á líkamsræktarstöðvum JJB Sports til Dave Whelan sem er eigandi fótboltaliðsins Wigan Athletic. Sky News greindi frá þessu fyrir skömmu.

Íslenska ríkið er einn stærsti hluthafi JJB Sports eftir að Kaupþing leysti til sín tæpan þriðjungshlut Exista og Chris Ronnie með veðkalli.

Sky News greinir ekki frá söluverðinu en áður hefur komið fram í breskum fjölmiðlum að það nemi um 70 milljónum punda eða um 12 milljörðum kr.

Féið þurfi JJB Sports til að borga af lánum sínum hjá Lloyds, Kaupþingi og Barclays bönkunum og til að greiða leigu til leigusala sinna.

Samhliða kaupunum hefur Whelan ákveðið að breyta nafninu á leikvangi liðs síns úr JJB Sports Stadium og í DW Stadium. Reikna má með að skammstöfunin standi fyrir nafn Whelans sjálfs.